Transcription
1
Monseigneur, sur le poinct, sur le poinct [sic] que je serroy mon pacquet,
2
messieurs de Saulsan et de Bernin me sont venus veoir et m’a rendu ledit
3
sieur de Bernin un pacquet dans lequel j’ay trouvé votre lettre du XXe
4
de ce moys. Je vous remercie en premier lieu de tant de peine
5
qu’il vous plait prendre à me fère part de vos nouvelles desquelles
6
je suis sur toutes bien aise de votre appoinctement avec messieurs d’Uriage
7
pourvu que la réduction que vous faites au sieur de Montrigaud ne l’empesche.
8
Vous adviserés si pour le moins il ne seroit bon de le serrer ou
9
asseurer avec le sieur de Molard, car ce sera tant moins de procès
10
et tant moins entamer votre terre. Nous avons eu icy les mesmes
11
nouvelles de Flandres qui vous ont esté escrittes ou à autres de
12
Paris et de Lyon et depuis n’ont continué. Tout ce que je vous puis
13
escrire de ce quartier depuis mes précédentes est l’extraict
14
d’une lettre que je receu harsoir de monsieur de Joyeuse du XXVIIe.
15
Monsieur des Adrés a opinion que le roy n’a pas dicté de marchant
16
et craint que on l’estima avoir fait tour de jeune cappitaine
17
d’advancer de ses deniers. Si le seigneur Ludovic de Birago
18
se doubtoit d’estre prisé, je cuyde qu’il ne feroit difficulté
19
de recevoir promptement les compagnies tant de pied que de
20
cheval que on luy pourroit envoyer. Nous pensons que avant
21
la réception des présentes, vous scaurés à quoy nous en sommes
22
de paix ou de guerre à cause de la sommation que l’on
23
nous escrit par lettre du XXIIIIe de Lyon que l’ambassadeur d’Espagne
24
a fait au roy. Dieu par sa grâce veuille mectre au cueur
25
du roy la résolution qui doit estre pour son mieux et celuy de son royaulme,
26
lequel je prie aussi, après mes très humbles recommandations à votre bone
27
grâce qu’il vous done
28
Monseigneur, en toute prospérité très longue vie . De
29
[v°] Montpellier, ce XXIXe jour de juin 1572.
30
Vostre très humble et très affectioné serviteur
31
Bellievre
32
Madame de Gordes verra icy s’il luy
33
plait mes semblables recommandations à sa bonne grâce.
34
Je croy que monsieur d’Evènes voudra un peu laisser
35
passer la véhémence de ces chaleurs à cause de sa
36
maladie.
37
Tant s’en faut que ma femme soit marrie
38
que vous l’ayés appellé maleteste, qu’elle en
39
fait gourre, s’estant persuadée que la
40
bonté est une vertu qui regarde plus
41
tost le bien autruy que le sien propre et
42que c’est moins mal fère endurer [barré : qu ] autruy
43
qu’endurer soy mesme. C’est ce que feu monsieur
44
de Tallard disoit, quil valoit mieux estre diable
45
qu’âme damnée et là dessus allègue des
46
exemples sans sourtir de Grenoble.
47